A nosa historia

Panadería San José nace en Rois no ano 1930 da man de dona Soledad Rodriguez e o seu marido don José María Bustelo. O fillo de ambos don Jesús Bustelo Rodriguez e a súa muller dona Herminia Curra Mayo toman o relevo no ano 1968.

Para evitar a desaparición das panaderías da comarca debido á pouca rendibilidade do pan naquel momento, fundan coa axuda de todos os panadeiros da zona, unha das primeiras cooperativas de panaderías de Galicia, chegando a ser 17 socios e un total de doce traballadores.

No ano 1980, don José Bustelo Curra, terceira xeración desta panadería, consolida a sociedade cooperativa de panadeiros San José dando paso a unha cuarta e a unha quinta xeración de panadeiros, pasteleiros e vendedores, que actualmente forman un equipo de 27 persoas onde seguen innovando e desfrutando desta profesión como o primeiro día.

Quen somos?

Somos un equipo de persoas que se esforzan e se ilusionan a diario por este oficio para que os nosos produtos trasmitan un anaquiño de felicidade a cada un dos nosos clientes.

Os parabéns recibidos, os agradecementos polo noso servizo, a confianza de cada cliente, sempre será para nós o maior dos éxitos.

---

Compromiso coa cultura e tradición

Para nós, o pan e a repostería forman parte da nosa cultura e da nosa tradición. Son símbolos de identidade, por iso durante todo o ano, colaboramos e implicámonos en datas e en eventos sinalados onde as nosas creacións están presentes.

A tradición, a creatividade, o control das materias primas e a relación persoal cos nosos clientes e proveedores, son os ingredientes mais importantes para seguir innovando e alimentando o futuro desta panadería pastelería.

Intentamos que no noso traballo exista o compromiso e a responsabilidade social para que os resultados sexan cada vez máis sostibles.